Sua Tutŋana 3:18-26

¹⁸Ŋgar ambaiŋana, ina iwe kembei ke ki mbotŋana mata yaryaaraŋana. Pa zin wal ta so tikami ma iwe len mi tikiskisi, nako timbot ambai, mi kampeŋana ki Anutu imbotmbot se kizin.

¹⁹Muŋgu kat Yooba ito ŋgar kini ambaiŋana, mi iur toono uunu ma imbol. Mi ikam kat ŋgar, mana iur saamba.

²⁰Muŋgu kat yok ta imbot meleebe na, ise raama mburaana biibi. Ito ni ŋgar kini. Mi ŋgar kini, ta izzo i pa mbulu tabe ikam ma yaŋ izzu pa gubur tiene, mi tolou iwedet.

²¹Lutuŋ, motom iŋgal be kiskis ŋgar ambaiŋana. Ŋgar ta iurur ŋonoono na, zem pepe.

²²Pa ina ko ikamu ma mbot ambai, mi ipeŋgeeze mbulu ku, kembei aigau ta imbot la ketem na.

²³To pa pai ku ma ambai men. Pa kosasa ko ipasaanu som, mi irao tutkat kumbum na som.

²⁴Mi sombe su murim be keene, nako moto som. Ko keene kat lem.

²⁵Tana pataŋana biibi tabe ipamurur zin wal sananŋan mi ipasaana zin i, nu ko irao moto na som.

²⁶Pa Yooba ko imbotmbot zilŋom uunu mi imborro u. Tana kilis sa ko irao ikeene kumbum na som.