Sua Tutŋana 24:4-7

⁴Pa ŋgar ta iwe zaala piti be ruumu kiti bok pa koroŋ ambaimbaiŋan mi ndabokbokŋan matakiŋa ta kan kadon bibip i.

⁵Tomtom ta le ŋgar ambaiŋana na, ni ilip pizin wal ta len mburan biibi na. Gorgori wal ŋgarŋan mburan izze.

⁶Iti sombe lelende be takam malmal, na turu zin wal ŋgarŋan be tikam peeze piti mi tiso iti pa malmal ka zaala. Pa bela wal boozo tiuulu iti pa ŋgar kizin, tona tilip pa kanda koi bizin.

⁷Wal kankaanaŋan ta tizorzooro na, tikam kinkiini pa ŋgar ambaiŋana. Mi tirao som. Tana sombe tomtom tilup zin pa sua, na wal kankaanaŋan len sua sa som. Timaane men.