Soukapwüng 1:15-20

¹⁵Iwe, neminewe a üreni saman we, “Kopwe ngeniei eu feiöch. Pokiten ka anomuei lon ewe fanü Nekep, kopwe pwal ngeniei ekewe koluk mi puächetä.” Mürin Kalep a ngeni neminewe ekewe koluk mi puächetä me asan, pwal ekewe fan.

¹⁶Iwe, ekewe mwirimwirin semen pwülüen Moses, ekewe chon Ken, ra eti ekewe chon Juta le feila seni ewe telinimw Jeriko, ia a wor ie chomong irä palm, tori ewe fanüapön Juta mi nom lon ewe fanü Nekep arap ngeni Arat. Iwe, ra feila o nonom ikenan ren ekewe aramas.

¹⁷Mürin ekewe re Juta ra fiti ekewe re Simeon le maun. Ra akufu ekewe chon Kanaan mi imweimw lon Sefat o ataela unusen ewe telinimw. Iei mine ewe telinimw a iteni Horma .

¹⁸Iwe, ekewe re Juta ra pwal liapeni Kasa, Askelon me Ekron me ekewe fanü ünükür.

¹⁹Ewe Samol mi Lapalap a eti ekewe chon Juta, pwe ra liapeni ewe fanü mi chukuchukutä o fanüeni. Nge resap tongeni asüela aramasen lon ewe maasies, pun a wor war woken seni mächä.

²⁰Iwe, ra ngeni Kalep ewe telinimw Hepron, usun Moses a fen apasa. Ätei a asüela seni lon Hepron ekewe ülüman mwän ir mwirimwirin Anak.