Sie Tokosra 6:33-37

³³Sukan frem in srungul nu ke infukil lulap ah orekla ke sak olive.

³⁴Oasr srungul limlim luo orekla ke sak pine,

³⁵ac naweyukla ke ma kihlyak nu ke luman cherub, sak palm, ac ros. Ma inge kewa akmusrala ke gold.

³⁶Solomon el musaela sie kalkal oan likin mutun Tempul uh. El kuhlasak ouinge: kais sie tak in sak cedar inmasrlon fwilin eot tolu nukewa, rauneak.

³⁷Pwelung in Tempul uh oakwuki ke malem akluo, su malem Ziv, in yac akakosr ma Solomon el tokosra.