SAN JUAN 6:59-71

⁵⁹Jintacda u yäli tan ch'u'ul otot, bajca u ye'e' u t'an Dios tä Capernaum.

⁶⁰Q'uen u yajcänt'anob, tu yubinob ca' jini, u yälijob: ―Cach ni t'an jini, ¿caxca une u xe u tz'onän?

⁶¹Aj Jesús yuwi chich tan u pixan cache' u yajcänt'anob bänäcnajob tä t'an uc'a jini u yäliba, y u yälbijob ca'da: ―¿U yäc'benetla quira sujlequetla ta' pat ni acäliba?

⁶²¿Cua' ti jini a xe a chenla si a chänenla jiq'uin cache' no'on que sutwänon de winic t'äbicon tä cielo bajca ajnon najtäcä?

⁶³Pixan u yäq'ue' cuxlec untu, cuerpoba mach u yäc'ä. Jini t'an acälbetlaba tuba a pixanla une, y tuba paq'uin cuxlequetla.

⁶⁴Tulaj anetla que mach a tz'onäla. Jinda u yäli uc'a aj Jesús worin yuwi chich machcatac mach u tz'onä, y machca u xe u yäq'ue' tä c'äbä.

⁶⁵Aj Jesús u yäli täcä: ―Jin uc'a cälbetla que niuntu mach u ch'ä tic bajca anon si mach u yäc'be tic cä Papla Dios.

⁶⁶Uc'a ni t'anda que u yäliba, q'uen u yajcänt'anob sutwänijob tu pat, y mach uni' numob t'oc.

⁶⁷De ya'i aj Jesús u yälbijob ni doceba ca'da: ―¿A wola quira bixiquetla täcä?

⁶⁸Aj Simón Pedro u p'albi: ―Cajnoja, ¿caxca t'oc jiq'uin cä xe t'ocob? A t'an ane u yäq'ue' paq'uin cuxlecon t'ocob.

⁶⁹No'on t'ocob cä tz'onän t'ocob, y cuwi t'ocob cache' ane aj Cristojet, u Yajlo'et ni Dios cuxuba.

⁷⁰Aj Jesús u yälbi: ―¿Mach quira cä yaquetla anelaba doce, y untu de anelaba tuba ni diablo une?

⁷¹Jinda u yäli uc'a aj Judas Iscariote, u yajlo' aj Simón, u xe u yäq'ue' tä c'äbä, y uneba untu de ni docejobba.