Juan 6:59-71

⁵⁹Kafarnaum pui­blu­pi­mi Jesús chasa nirka, judiu­kuna tanda­ri­diru wasi ukupi iacha­chi­kuspa.

⁶⁰Achka Jesusta kati­raiag­kuna, chasa uias­paka, nir­ka­kuna: —Chi rimai­kuna, iapa mana uianga­sina­mi ka. ¿Pi­sik chasa uian­ga­pa munanga?

⁶¹Paita kati­raiag­kuna chasa mana alli iuiai­wa pai­manda rima­na­kuskata iachas­paka, Jesuska nirka: —Chasa uias­paka, ¿nuka­manda mana allichu uiarí?

⁶²Kai Runa Tu­kus­ka ñugpata kaska­ma, chima­lla­tata sika­kuskata kam­kuna kawas­paka, ¿imasatak iuiantran­gi­chi?

⁶³Santu Ispi­ri­tu­lla­mi alli suma kaug­saita kará. Aichaka mana balinchu. Chi rimai­kuna nuka kam­kunata rimaskaka kanmi Ispi­ri­tupi kaug­sai.

⁶⁴Chasa kag­pi­pas, mai­kan­kunaka mana nuka­wa iuia­na­kun­gi­chi­chu—. Ñugpa­manda­ta­mi Jesús iacharka, pi­kuna mana paita iuiag kag­kuna­manda. Chasa­lla­ta, pi paita api­chin­ga­pa kag­ta­pas­mi iacharka.

⁶⁵Kasa­pasmi nirka: —Chi­mandami nirkai­ki­chita: “Nuka­pa Taita mana agllag­pika, ñi pipas mana nuka­wa samun­ga­pa pudin­kuna­chu”.

⁶⁶Chi­ura­manda paita kati­raiag­kuna, achka­kuna anchu­rispa, mana mas paita katin­ga­pa munar­ka­kuna.

⁶⁷Chi chunga iskai pai agllas­ka­kunataka, Jesús tapurka: —¿Kam­kuna­paschu muna­na­kun­gi­chi, nukata saki­waspa, rin­ga­pa?

⁶⁸Chi­ura, Simón Pedroka ai­nirka: —Taita waugki, kamta sakis­pa­ka, ¿pi­watak ri­sun­chi? Kam­lla­mi mana puchuka­ri­diru suma kaug­saita rimag kangi.

⁶⁹Nukan­chika, kam­manda suma iuiaspa, ñami iachan­chi, kam Taita Diuspa tukuipi mas alli wam­bra kagta.

⁷⁰Jesuska nirka: —¿Manachu nuka, chunga iskai­kunata agllarkai­ki­chita? Chasa agllagpi­pas, kam­kuna­pura­manda sugka, iaia kuku­sina­mi ka—.

⁷¹Chasa nispa, Judas Iska­riote suti Simonpa wam­bra­manda­mi rima­kurka, chi runa, chunga iskai agllas­ka­kuna­pura­manda kaspa, paita api­chin­ga­pa kag­manda.