SAN JUAN 5:3-15

³ña tjindu nkjin xuta xi sefesun: xuta ka, xi bi ma fi, ꞌba ko xi bi nda ndsaku. Kui xi inyakuyare nga steya nando.

⁴Ngatꞌa tu sakꞌua nga jngu ankjere Naꞌenchana faꞌe ngajin ngaꞌndebiu ña inya nanda ꞌba tsiteyangire, ꞌba xi tjun tsungijin yojore ngajin nando kionga je kiteya, kui= xi manda tume chiꞌin xi kunre.

⁵ꞌBa kio kjijñajinre xuta xi sefesun jngu xuta xi kuakantjioꞌon ján nu tjinre nga tjiꞌme.

⁶ꞌBa kionga Jesús tsabe nga xutabiu tikjijña kio ꞌba ꞌba nde tsabe nga je nkjin nu tjinre nga tjiꞌme, kitsure: —¿A mejénri ku̱anda ngani?

⁷ꞌBa xuta xi tjiꞌmio kitsu: —Ji naꞌen, tuꞌyá tjinna̱ xi kuasekona̱, tsa sungijinna̱ nando kionga teya. ꞌBa kionga sungijia̱n yojona̱ tsakaiñu, tu kjaꞌe xi tjun tsungijin yojore.

⁸ꞌBa Jesús kitsure: —Tisetjen, chjube nijñari xi tetsjujñasin ꞌba tꞌin.

⁹ꞌBa ndekuini chubabiu kuanda ngani xutabiu, ꞌba jaꞌaya nijñare xi tikjijñasun ꞌba kiji. Tunga kui nixtjinbiu, nixtjin nga nikjaꞌaya=.

¹⁰Kui kjuañu xuta judío kitsunire xuta xi kuando: —Xutu= ngandaꞌe. Bi tixaꞌnderi nga xꞌe nijñari.

¹¹ꞌBa xutabiu kitsure: —Xi kitsindana̱, kui xi ꞌba kitsuna̱: “Chjube nijñari xi tetsjujñasin ꞌba tꞌin.”

¹²ꞌBa nchjabiu tsiningiyare: —¿ꞌYá= xi ꞌba kitsuri: “Chjube nijñari xi tetsjujñasin ꞌba tꞌin”?

¹³Tunga xuta xi kuanda bi be ꞌyá= xi kitsinda, ngatꞌa Jesús je kijijinre ngajinre xutankjiun xi inya kio.

¹⁴ꞌBa jaskan Jesús kiskajin ngani xutabiu ña ma ndetsinre ningu ꞌba kitsure: —Ji naꞌen, je kuanda ngani ngandaꞌe. Bi nde ñaꞌanni je, tuxi bi nde satetꞌaniri xi ngisa chꞌo.

¹⁵ꞌBa ꞌbatsaꞌen xutabiu kiji ꞌba yeꞌere nijmi xuta judío nga Jesús= xi kitsinda.