SAN JUAN 2:18-25

¹⁸Cottimeja chojni judío que vinttechonda joachaxin joanchiangui na ngain Jesús co ndac̈ho na: ―¿Quehe señal tsjagohna ni ra para que janha na rrochonxin na seguro que jaha chonda joachaxín Dios para nchehe jihi?

¹⁹Jesús ndac̈ho: ―Tonxantte ra nihngo icha importante jihi, co nincoa nchanho janha sinttachjian nihngo iná.

²⁰Cottimeja chojni mé ndac̈ho na: ―Cuarenta y seis nano conc̈hjenhe chojni para joinchechjianxin na nihngo icha importante jihi. ¿Co apoco jaha nchao sinchechjian nihngo nincoa nchanho?

²¹Pero tti nihngo que Jesús nichja, nichja de ixin mero cuerpoe jehe.

²²Mexinxin are Jesús xechon de tti jehe ndavenhe, cain chojni que vacao jehe ẍaxaon na de ixin jihi tti jehe ndac̈ho, co vitticaon na tti ndac̈ho ngain tti jitaxin Palabré Dios, co cai vitticaon na tti ndac̈ho Jesús ngain na.

²³Are Jesús vehe ngain Jerusalén ngain quiai que dinhi pascua, atto tsje chojni vitticaon na jehe are vicon na tsje milagro que jehe joinchehe.

²⁴Pero Jesús vechondaha confianza ngain na ixin jehe ovechonxin ngain ansén cain na.

²⁵Jehe gondeha ni ná chojni que rrondache de ixin icha chojni ixin jehe mismo venohe quehe ẍaxaon cain chojni.