18Ka navong hetetamen keil onen Siu keil ales asa koa Iesu mumoni, amutimanin ka aselus keih mini avit, “?Isei maenuk kovoumon sakien keil ekek? Munak vi anatin keke kokur keihoen vinvin keke kovoumoni, kumon etai merikel mevalesi.”
19Iesu vit kesi min keil vit, “Munak mihou rasilin Eim Votut ekek, inau num kesi en avong etel (3).”
20Hetetamen keil amutimanin avit, “!Ekovei! Meatin keil amum sua hanumau elu ka ahetai emun (46) keke avoumon Eim Votut enek. Ka kovit keik kokilea kovoum kesi en avong etel enges. !Vuo, kosakras!”
21Ka navong Iesu vit usil Eim Votut, mul selus usil aven.
22Katau suk, navong moul eris ran matien, meatin keil onen amundem kilea selusien onen enek. Sakini, akur anatin en selusien onen Iesu ka asa koa Tus Votut viteni usili.
23Navong Iesu mul veah en out Serusalem en avong ten Anien ten Mul Laui enek, meatin houlu ales merikel koa mumoni ka aling demkatien one eni.
24Ka Iesu rokurtei anatin keke demkatien one eni vi anatin veni mundem kilea asa koa mul en rendemien onen meatin vasi keil.
25Meatin tovuol vahit kilea mini, veni kei mundem kilea tuai tounah vasi koa meatin keil amul amundem usili ka asa koa keil e vati.
Sion 2
Sion 2:18-25