SAN JUAN 2:18-25

¹⁸Sa̱hn ndina̱n yahn nación yahn Israel che redin se cuda̱do min ne, ra̱hn se ri se Dihvo vo: ―Codin a̱ma vederihno, ndihchero nuhn, cuhnde ro deh vederihquentiyon che quenan come che tihca̱ redin.

¹⁹Ra̱hn ye ri ye sa̱hn: ―Ndete che ndahtera nchuhn ya̱co cuh ne, cuihno ino ro ne, nedin numá.

²⁰Tuhme ra̱hn se ri se ihyan: ―O raco a̱n nduyo chendah ihyan, che dendah ye ya̱co cuh, ¿a rahque che nduco ino ro no nedin nome?

²¹Sa̱hn chahn ne, hua chenahn se. Ra̱hco se che yahn ya̱co che nti min che tihca̱ ra̱hn ye. Ate ra̱hn ye yahn ma̱n ye, ndiyu yahn ya̱co.

²²Nda̱ ro che ndedetuhche Dendiohs ihyan va̱n tena̱hn ne, tuhme nta̱ tin ihyan apóstol yahn ye yahn che tihca̱ ra̱hn ye, ne chitahno ye Ndudo yahn Dendiohs, chenahn ye che nduco ndudo che tihca̱ ra̱hn ye ne, conahn che va che ntuche ye va̱n tena̱hn.

²³Numanahn che quenan Dihvo vo ya̱n Jerusalén ro yudo me ne, a̱ma ya̱hn ihyan chitahno ye ihyan, yahn vederihno che din ye.

²⁴Ate Dihvo vo ne, hua chichahtino ye ihyan chahn, te a devano ye nduhchan ihyan iyehnse, rendacorun ye vederendedecadino yahn ye.

²⁵Hua rendotenan ye che ca̱hma ihyan nduco ye ta̱chan ye, te a ma̱n ye devano ye deh che rendedecadino queri a̱ma ihyan.