Samu 91:7-13

⁷Wambu dupwame emba kararene dusa wambu taosande malu pyao kuma soo eparaminyipape emba mee mondo lao karo epare ingyara.

⁸Kopetame pingidupwa apa pyuo koo keta palyuo randa nyilyaminyi lao kando soo karare.

⁹Embame Kamongo Ama Ketae doko embena konambe ingyaro karamo lao sepala wane nyaŋana mendeke ingyuo karapinyi pilyamo.

¹⁰Dokona randa andake mendeme emba isa pyao palya nara. Koo keta palirili yulu randa dokona mende embena anda kambusa epa nara.

¹¹Emba parene kata dupwana Anatumi banya aŋala dupwa emba rapu pyakana lao jera.

¹²Embena kimbu doko kaname isa pyaa nana lao nakamana kingi kapena emba ketae reto nyerami.

¹³Embame mena laene wambu nenge dupwape dee kau wambu pingipi dupwa pyao rambetaku pyarene mee kimbumi nara ingilyamo.