Samu 84:9-12

⁹O Gotiyo, halegutimogae, huꞌna, ago. Lekana paika ateꞌnana vekamo augosafiꞌmo ago.

¹⁰Mago alagepa haopalegamo uꞌna yatala afinaꞌmo maisuvana namogaga aiguvaꞌmonanafa nokafiꞌmo aise afinaꞌmo maisuvana magoꞌe huꞌna namogaga aiguve. Nagaemo Gotiꞌnimo noꞌafiꞌmo afa ina agufa vekamo kipateꞌmo neꞌyagauva vekamo maisuvafeꞌmo nahauꞌniyaꞌmonanafa hosu vayaꞌai noꞌapifiꞌmo haiꞌna maisuvafeꞌmo oꞌnahauꞌniye.

¹¹Ala kava netimoꞌa yegetiꞌe halegutiꞌeꞌmo maiꞌniye. Agaemo ala apakiꞌapimo apamiteno alagepa yaꞌmo fiku hapa maeno apamigiye. Agaemo api kavaꞌmo nehaya vayaꞌaifeꞌmo magoke alagepa yaꞌmo magokeꞌageꞌmo aliꞌna lapamiguve huno osugifa muki alagepa yaꞌamo afaꞌa alino apamigiye.

¹²Muki vayaꞌaiteꞌmo yagaika neꞌapatana vekae, huꞌna, Kagaefekeꞌmo, laha maegaiye, huꞌa apakesamo neꞌafiya vayaꞌmogi kaulagaleꞌmo alagepa huꞌa maiꞌnayanageꞌa afaꞌa apamogagamo aigae.