Samu 33:1-11

¹Rolae pingi dupwa Kamongome mende pyakapya dokona lao pii ketae palyuo lao rae maiyuo karalapape. Banya pii warombo singi dupwa peparae nakama banya kingi lakandalapape.

²Kurulu rambyalu gitape dupwame Anatu dokona ange lao kingi lakando karalapape.

³Banya lao kenane enenge pyao dokopa rambyalu gitape dupwa mora mora piso pyao pii ketae palyuo lao rae maiyuo karalapape.

⁴Kamongona yulu dupwa angingyuo pao banyapii dupwa kinyi ingyuo silyamo.

⁵Kamongome rolaena renge dokona mona retelyamopa banya mona retenge ota nange dokome yuu muu peparaena silyamo.

⁶Yake doko Kamongo baame sinya lao lao wasiya. Neta kana buipi banya piimi sipureya.

⁷Baame kota pete doko muupyuo yuu mendakisa sinya leya. Baame kota peteme lumu doko minyuo neta epa nana lao mapi pyao kata roko reteya.

⁸Isa wambu peparaeme Kamongo pakalapape. Yuu muu rae lao palyuo pelene wambu peparaeme baa mupwa lao suu pyao pakale lao karalapape.

⁹Baame pii leyamo dokopayuu muu peparae ingiya. Dopa pyuo pena leyamopa bange peparae epo maro leya.

¹⁰Kamongome yuu liti andake dupwana yulu piramili dupwa kata rokonge. Pirama lao lao rapa rapa pingi dupwa pao kata roko minyilyasa pyuo pee laa nange.

¹¹Dopa pipala baa range pinya lenge dupwa waiya lao mee ingyuo paa napala kulisa ingyuo soo penge.