SAM 55:1-10

¹Anutu, gata natane tumuk wamae natapso. Nata gae sikgawamba maakga nae ma umukngamim.

²Asiknga gata tumuk wama natangamuyo. Natangamuke yake naniyo.

³Natane iwanata na tasiwan maiwitde wamu kekeknga yakaing. Yake waaminda kumzang nanduyake dua tewan nanduyuaing. Unzingge musipmaatangu natapa take dua singgak. Na musipmaiu atnataat. Dasingge, waaminda musiptou nae kwaapzang natangamuke kaanga nanikaing. Meya akngata na tasiwan gatukande mainanggenggat.

⁴Na meya wesim akupitde waakwakge asiknga gwaukgat. Siwan waakngata tasiwan musipmaatangu meya nataat.

⁵Ngan, na asiknga gwaumba gupmaapa kumzang tepan yamukgak. Gwaut takngata na atnaitakepunggak.

⁶Ayok! Nata anzing yakum, “Butaya, na piana kwaitdane binga kaa gamun. Manggamu bepmake kuke paku keu komdune yuwa takawan.

⁷Nata bepmake maa siknga paku amina wena komune gatukande yuwam.

⁸Nata zaatgaman bepmake kuke gotde gatu sopaatde ngang gwauke kusopuwan.”

⁹Nata kaawa aminu yumdekan yot gapmaatang amakaing. Unzingge Buyambam tapa, gata wamu yaningu pasiwi buyami siwan pasiwi sopunong.

¹⁰Sike kwakngaom ba zikaane supda temake tasibasiking gapmane engatangan sukukaing. Gatu you wanggapmane nanata gutonga ba waiaknga tasikaingunin.