Sam 51:6-17

⁶Tane e meneedia ne nuana bedewe ulaipa nopesapi sa baiwa nuana bedewe insaisa eubu teamoa.

⁷Ne kadiwana mitaaubee ita eunea ita sapaida wapa.

⁸Ne kadina inseiadabuasaiana umanawa wawo etape ita ulaipa mampe nuaeuntapa; e ne dewaneano neaina nonosinton tane osowe dewaneawo nuaeutapa.

⁹Ne dewana kadiwa mai ewamona wade nambeidomoa.

¹⁰O God, ne nuana mitee sanaasaa ita ulaipa mampe ne waroroepa.

¹¹Ne mai waaubaneawo eepe anteapa! E Aleua Kakaiwa bedenawo mai wadaaubea!

¹²Dewaneawo osowe nuaeunteapa, bauta inaneano nuaeutena rua, Ne dewaneawo e aiaa ruawantepina dewawa menaneampa.

¹³Ita kadi dewalala mampo e intaa ne waeuwamopina ita mo leuntopue e manawo wimpu.

¹⁴O God, e ne inanea, saunee inawana oniea ita ne nuaeu mampe e dewaa dodomana sasawa wapa.

¹⁵O Tatana, sauneawo moana wadapaaubepe wadaposiepa.

¹⁶Ne pue supe pulonteapa e manawo, tane e mai meneeipona. E mai pulo inainamba sa iririwa waipona, dia.

¹⁷Ne neba ituaisinteape iririepo kadina inseadabuasaa, e pulo inainamba ema meneede. O God, ne kadiwana dauwa etane nuaparentene manawo rauparintedina mai leunea.