SAM 41:1-6

¹Aminu tapatuta umana wena aminde natake gatayamiu, waapa apbakngayok. Buyambam tapata meya ie asapan ngana ita akgatangamik.

²Buyambam tapata kakuya tasike tapan kekeknga sike kayuk takekan yuwik. Yuke Buyambam tapata tasiwan kepnane takekan yuwik. Yuwan Buyambam tapata iwana dua kapewan apu waapa tasiwan maiwik.

³Sike aminu waapa mait ba siwanu, Buyambam tapata akayuwik. Ita maitna sandekngaman maitna wena siwan kekeknga gatu yuwik.

⁴Siwan na nina anzing yakum, “Buyambam tapa, nata waiaknga gae tasikum. Siwan ngana gata nae musip kwikwik natangamuyo. Natake maitna sandekngamuyo,” ngang yakum.

⁵Sike natane iwanata musip maik natangamuke anzing yakaing, “Asikaya mait sike akupik gamu take siwan umana sopuwan ninda ie apbotanim,” ngang yakaing.

⁶Iwana waakwakga apu nandukengu kem tanzit wam nanikaing. Waakwakga nae sapdut wam yakaing. Siwan waaminda kepman epu kukenga sapdut wamu waaknga kepna kepna yanitakukaing.