Mbouŋ To Yes Israela 41:1-6

¹Mbouŋ to David Isaav ighe tamtamon eta maata iŋgalŋgal yes mbolaaŋa ve iuluul zi, ene pale poia to Yoova izazaa tooni ve tintini. Ve isaav ighe pataŋani eta ivot pani, ene pale Yoova iuule.

²Yoova tauu pale imin sigheu pani ve iŋgini. Leso imaat sov, ve ileep poia. I pale ileep izi taan tau Yoova igham pa tamtamon tooni na, ve poia to Yoova izazaa tooni. Yoova irau ipuli ila koiŋa nimazi mako.

³Ve isaav ighe i imorooŋ ve ighengheen, ene pale Yoova tauu iŋgini, ve ipasov moroghooŋ tooni.

⁴Yau nasaav naghe: “Yoova, yau nagham sosor payo wa. Lolom isaghatin ghau ve upasov moroghooŋ tsiau. Pa yau besooŋa tsio.”

⁵Koiagŋa tisasavia saveeŋ sasaghati iŋarui ghau tighe: “Ŋeer tawe, ŋeez o imaat leso eeza ilale ve loloon iveegh pani?”

⁶Ve saawe tau tamtamon tilam tigig ghau, tisavia saveeŋ toman lolozi mako. Yes tilam to tigig ghau pa moroghooŋ tsiau mon. Ve saawe tau timuul tila, tisasavia varug sorok irau nugh tighe: “Paita imaat.”