Sam 27:1-9

¹Dawid sasawa Iawe God ipa ne sapana, ita inawana, sa baiwa ne mai santeapa. Me ne onianede ando mai kadi donsapa sa baiwa ne mai inguguranteapa.

²Emalawoa apanawa kadi daitada dewalala ne bodaneapu kadineapua baiwa, tane mo muba bagorantopue omepu.

³Mo uara awodeantopue ne onana enapu, tane ne mai mo sauntapa. Mo ne bodaneampo, ne sumanaina Iawe God mampe itupa.

⁴Ne Iawe God iririsapo dewa dea os ne baina dewasapi: walama uduudu ne inawana bedewe me duwa bedewe wainepina, ne me euwaa ewapaa menanede ita me duwa kakaiwa bedewe mampe rauparintapa.

⁵Ne poka mainawo wisempo me bola euda bedewe wereganepi, me duwa bedewe ne onianepi, me nau osowe ionoido itunepi.

⁶Ne emalawoana apanawa uara enapue pananeapu, tane ne mo onaponteapa. Ne Iawe God duwa bedewe me mampe pue pulontape supa, ne nuaeu mampe ka wape sino epape ita sasantapa Iawe God mampe.

⁷Iawe God, manawo rauparintepino etanea, nuaparenaite saunea!

⁸E ne dianee waanase, “Wine mainawo gagaloitaa.” Sa baiwa tauma ne manawo iedina.

⁹Ne ipa e nolaa dewalala, mai nuaa kadilepio adia ne mainawo itua, e mai weregaitaa! E ne inaneana, e walama uduudu ne sauneie, sa baiwa tauma mai nebaida enea! Mai eneaiaa!