Sam 126:2-6

²Kuren la magang longon aleng mi leklek, la magak pixan momo aleng. La levenabung mixin petpes diga lok keretna, “Leeme Silok ga lox anarong solo vam nedi.”

³I ruturun do Leeme Silok ga lok lempanga silok tinama, kuren la maga umsu mi lomomo.

⁴Leeme Silok, una lox asang kobot amu manga nama kerekngan larakabu ik lox aumsu amu laradan to at lamatbin Negev.

⁵Ma vara i xusu mana lok ngan mun nedi digat pas titlotlo la digang teng. Ketla uga lok tooro di kusu dinak lok momo at levenaleng dina sepkin.

⁶Nedi digat pas la digap kip levennit piao titlotlo i la digang teng. Melemu diga laa boro at leventaamang la digak pixan momo mi lempanga anan atnedi.