Psalmaro 126:2-6

²Tiam nia buŝo estis plena de gajeco, Kaj nia lango plena de kantado; Tiam oni diris inter la popoloj: Ion grandan la Eternulo faris por ĉi tiuj.

³Ion grandan la Eternulo faris por ni: Ni ĝojas.

⁴Revenigu, ho Eternulo, niajn forkaptitojn, Kiel riveretojn en sudan landon.

⁵Kiuj semas kun larmoj, Tiuj rikoltos kun kanto.

⁶Iras kaj ploras la portanto de semotaĵo; Venos kun kanto la portanto de siaj garboj.