Salomore Gae 3:3-6

³Eme ruc bapa ŋic jaŋe hae soŋaŋ juhuc bâfuacnupie ʒiŋuc wio‐jarepo: “Ŋoŋe maŋnanezi ʒâfickeekopac e moc honembieŋ me?”

⁴Erâ no wio‐jarerâ jowaruhuc izia maŋnanezi ʒâfickeekopac e bâfuapo. Ehuc mocwâc behecnurâ razacte ro basanaŋkerâ neŋgoc‐nanere ficko jowa rapo, erâ neŋgoc‐nanezi rocnuwec ficmaŋ ira râepo.

⁵O Jerusalemte otâfâc, no tiki noniŋ â kâte bulimakao jaŋerao ɋetickehuc ŋaza sanaŋkepe: Ŋoŋe joroc biaŋ‐nane kosa mi wiwickenʒepieŋ, e jahac mana ɋâɋârerâ faharezejec.

⁶Mâreŋ burocnaonec wemo wiac warekac? Wiac i honepene âbârâ ŋic jaŋeraonec wiac âsu biaŋ fuŋne fuŋne ʒocko râepene ʒame hosâc feekac irec sâc ekac.