Salomore Gae 1:9-17

⁹Joroc biaŋ‐nane, no gore manape Farao keretac‐ticnere becâsicfâc jaŋere sâc ekomec.

¹⁰Maucge erickekicnere boc biaŋkekac, â upegao eri qoqonaŋ furi sâko râekicne fokac.

¹¹Nâŋe eri wiac golzi bagarehuc ŋondeŋnao siliwazi kubu bakicne i mâmâc râenaŋmu.

¹²Ŋicwofuŋ e nânâ nâocte waha ŋehame eri qoqonaŋ‐nanere âsu biaŋzi sâkene babatarawec.

¹³Joroc biaŋ‐nane e hâpo heâroŋ enareme manape ʒariŋ ɋitickekicnezi amec‐naneo fokac tinac ekac.

¹⁴No ere manape Eŋgedi mâreŋte waiŋ gieonec ʒariŋ âsunehec tinac ekac hâcne.

¹⁵O joroc biaŋ‐nane, go sahac hawari biaŋ, go ʒâŋe kereŋ biaŋ‐nane!

¹⁶O joroc biaŋ‐nane, go sahac hawari biaŋ, go boc biaŋne jâmbâŋ ekomec. Manakic, qinʒiŋ geunezi fofo‐nâhec tinac ekac,

¹⁷â jâmâzâc jâczi ficnâhec tinac ekac erâ wete becʒi wiaczi sâpene â tapane tinac ekac.