SALMOS 82:1-8

¹Toteco Dios itztoc ipan se hueyi tlasentilistli nepa elhuicac. Huan nopano tlayolmelahua quejatza quintlatzacuiltis nopa jueces huan quinilhuía:

²“¿Hasta quema tlamis intlacajcayahuaj quema intetlajtolsencahuaj? ¿Hasta quema tlamis inquinchicoicnelise ax cuajcualme tlen fiero quichihuaj?

³Xiquintenpalehuica tlen aya quipiyaj tetili huan tlen icnotzitzi. Xiquintlajtolsencahuaca tlen tlaijiyohuíaj huan tlen ax tleno quipiyaj.

⁴Xiquinmaquixtica tlen ayoc quipiyaj fuerza huan quinpolohua tlen ica panose. Quena, xiquinmanahuica ininmaco nopa tlacame tlen axaca quitlepanitaj.

⁵Imojuanti tlen inquintlaijiyohuiltíaj ax tleno inquimatij huan ax tleno inquimachilíaj. Innemij ipan tzintlayohuilotl huan nochi itzinpehualtil tlaltepactli huihuipica.

⁶Quena, na nimechtocaxtijtoc ‘indioses’ huan ‘innoconehua niDios Tlen Más Hueyi’,

⁷pero quema hualas miquistli, nimantzi inmiquise pampa imojuanti san intlacame. Imopantis queja ipanti tlen hueli tlacatl tlen quipiya tequihuejcayotl, pampa nochi miquise.” Queja nopa quiijto Toteco.

⁸¡Toteco Dios, ximotlalana huan xijtlajtolsencahua ni tlaltepactli, pampa nochi moaxca! Nochi tlaltini huan tlanahuatiani eltoque momaco.