Salmo 82:1-8

¹Pinmikas Diyos sin korti ed daya ta okomena din makwani en diyos ay natotopog sin kad-ana. Siya na din inkeddeng na en daida:

²“Pig-an pay ay isaldeng yo din pangikeddengan yo si baken kosto, din mangam-amag si lawa yan say pangabaken yo?

³Ikalintegan yo et koma din magay kabaelan da, din kaseseg-ang, mapalpaligatan, ya olila.

⁴Isalakan yo sin panakabalin di mangam-amag si lawa.

⁵Adi kayo makaawat ya magay ammo yo. Mabolinget di nemnem yo, et isnan daga, magay maamag ay kosto.

⁶Sak-en ay Diyos ay Kangatoan, kanak en dakayo: Amin kayo yan diyos, anak ko si dakayo,

⁷ngem olay mo siya di, matey kayo ay kaman din amin ay ipogaw ya olay papangolo.”

⁸Sik-a ay Diyos, okam amin ay nasyon isnan daga, omali ka koma ta okomem daida.