1Anutu e nemu tutumaŋko domakac, nemu jaŋerao mumutara gie bakac.
2“Ŋoŋe dâŋ muhasickehuc mumu, â ŋic sindaŋne jaŋerao rorowecke, i wezimucko beheniŋmu?
3Ŋic ɋerone â bekâne jaŋere dâŋ dopeckeniŋ, qarâ suriŋne â hapetac sacfozic ejareniŋ.
4Ŋic dodocne â tac qararacne sabec‐jopahuc ŋic sindaŋne jaŋere meonec batarac‐jopaniŋ!”
5Jaŋe ine wiac kâuc bahuc moc mi mana taraŋgopieŋ, dapâcko qicquc qahuc juŋgopieŋ; eme mâreŋ ŋesiŋne ŋeŋgoroŋke‐fârekac.
6Noni mupo, ŋoŋe nemu juŋgopieŋ, Femicne sâko ere motecfâc sasawa;
7eme sifu ŋic iŋucne hâmonʒepieŋ, ŋicbomboŋ rândiŋkeeŋgopieŋ irec sâc enʒepieŋ.
8O Anutu, go faharerâ mâreŋko mumutara gie bac, ŋic gurune gurune jaŋe gore sasawa.
Miti Mânec 82
Miti Mânec 82:1-8