Yabura 82:1-8

¹Asafi xa bɛɛti Ala tixi a xa malanyi ya ra, a kiiti safe koore sɛnbɛmae ya ma.

²«Wo kiiti sama kobiɲa ra han mun tɛmui? Wo nɔndi fima mixi ɲaaxie ma munfe ra?

³Wo xa misikiinɛe nun kiridie xa kiiti sa sɛriyɛ ki ma. Wo xa setaree nun fuxarilae ratanga kiiti ɲaaxi ma.

⁴Wo xa setaree nun tɔɔrɔmixie rakisi. Wo xa e ba mixi kobie bɛlɛxɛe i.»

⁵Kɔnɔ e mu fahaamui sɔtɔ na fefe ma. E e ɲɛrɛma dimi nan kui tun. Duniɲa sanbunyi birin sɛrɛnma.

⁶N a fala nɛ, «Koore sɛnbɛmae nan wo ra, Ala Xili Xungbe Kanyi xa die nan wo birin na,

⁷kɔnɔ wo faxama nɛ alɔ adamadie, wo birama nɛ alɔ duniɲa mangɛe.»

⁸I tan Ala, keli, i xa duniɲa makiiti, barima i tan nan gbe na sie birin na.