Salmos 42:1-5

¹Coré-e-wagan we-namaked narmaksad. We-namaked Masquilʼye-nugad. Namakmalad-e-iduedga soglenaid. Bab-Dummad, igi goe-bebe-nikad diibina ogormakdidae, an deyob bebina sogdiid.

²Bab-Dummadbina an nue-soged, Bab-Dummad-san-burba-ukmaidbina an nue-soged. ¿Ar sana Bab-Dummad-asabin an gwisgunonikoe?

³Bane-bane an bodiid, ar an-boed an-masgunnedga anga gunonikid. An-isdarmalad bane-bane anga sogdimalad: “Emisgindi, ¿bia be-Bab-Dummadde nade?”

⁴An ebinsaddaed, igi an dulemar-abalagi an nadapdae, igi an Bab-Dummadse-goled-negse dulemar-semaidae. An ebinsaddaed, iba-dummad-onolealile, weligwaledgi an dulemar-semaidae, bela-belad namakagwale an nadapdamalad. An we-ibmar ebinsadele, naibid-dummad angi nonidaed.

⁵¿Ibiga an suli-suli-itogoe? ¿Ibiga an bukib-itogoe? ¡Gwen an deyob itogewilubsulinad! Bab-Dummad-abitodii an guoed, Bab-Dummad-e-nug-odummodii amba an guoed. Ar Bab-Dummad, an-abonogedid. Bab-Jehová, an-Bab-Dummadid.