Salmos 31:13-24

¹³Dulemar-bukidar emargi-gakansaar-sunmakmar an itoged. An bia naddibe, an dobee itoged. Ar dulemar angi-aibinega na atosmalad, an-oburgwedgi binsamalad.

¹⁴Bab-Jehová, ar andi begi bensulid. Andi soged: “¡Be an-Bab-Dummadye.

¹⁵An be-nugginbi gudiiye!” An-isdarmaladgi, an-balegindimaladgi, be an-ollor-imake.

¹⁶Bab-Jehováʼye, angi be nued binsae, ¡Be-sabgued-dummad-nikadba be an-abonoge!

¹⁷Bab-Jehováʼye, ar an bese gochasoggu, mer bingeguega be an-imake. Dule-isganamardi bingeguega be imake, gaya-bogidiki burgwarmalad-meged-galugi be mese.

¹⁸Dule-gakansilimar-e-gaya bogidik be imake. Na san-dummarba-imakedba, dule-mesagwar-imakedba, dule-nuedgi ibmar-sabsur-sogdimalad.

¹⁹Bab-Jehová, be-sabgued ibiyobi dungue. Dule-be-nug-odummodimaladga, be-sabed be oyoged. Dulemar-wagab, dule-begi-bengusurmaladga, be-sabgued be oyoged.

²⁰Bab-Jehová, dule-nued dule-egi-isdar-binsaedgi, be-walik be odukued. Dule-nued dule-urwedginbi-sunmakmaladgi, bese-goled-neg-sunna-selegedgi be odukued.

²¹Bab-Jehová-nug an odummosun. Ar sordamar neggwebur-ebiris an-oburgwega bukwagusmargu, e-sabgued-dummad anga oyosad.

²²An surbinsa-itogedba an sogde gusad: “Be-asabin bar be an-ogwisguosurye.” Degi-inigwele, Bab-Jehová, an bese gochagua, bedi an-wilesakwaa-gornaid itosad.

²³Bela-bemar-Bab-Jehováʼba-nanaid, Bab-Jehová-sabgumala. Bab-Jehová, dule-ega-galakudisurmalad na edarbed. Ar Bab-Jehová dule-na-san-dummarba-imakdimaladdi, sabsur-odurdaked.

²⁴Bela Bab-Jehováʼgi-bensurmalad gangumala, niga-ogannomala.