SALMOS 26:2-11

²Xinechyoltlachili, TOTECO, huan xinechyejyeco. Xijtlachili cuali noyolo huan notlalnamiquilis tlen más noyolijtic eltoc.

³Pampa na nijpatiita moteicnelilis, huan nochipa nijtoquilía motlajtol tlen melahuac.

⁴Ax quema ninejnentoc ininhuaya tlacame tlen tlacajcayahuaj, niyon ax nimohuicatoc ininhuaya tlen quipiyaj ome ininxayac.

⁵Nijcocolía inintlasentililis ax cuajcualme. Ax quema nimosentilijtoc ininhuaya tlen fiero quichihuaj.

⁶Tlapajpactli noma tlen nochi tlajtlacoli, huan san queja nopa nimonechcahuis motlaixpa, TOTECO.

⁷Nepa nihuicas huicatl para nimitzhueyitlalis huan niteyolmelahuas nochi tlen yejyectzi tlen ta tijchijtoc.

⁸Tlahuel niquicnelía mochaj campa tiitztoc, TOTECO, campa monextía motlatlanex.

⁹Amo xinechchihuili queja tiquinchihuilía tlajtlacolchihuani huan temictiani.

¹⁰Inijuanti quisencahuaj quejatza huelis tetlacuijcuilise. Quipiyaj ininma temitoc ica tomi tlen tlaixtaca tlainantoque.

¹¹Pero na ninemi xitlahuac. Xijpiya hueyi moyolo noca na, huan xinechmaquixti.