SALMOS 26:2-11

²Techyoltachili, TOTECO, huan techyejyeco. Xijtachili cuali noyolo huan notalnamiquilis cati más noyolijtic eltoc.

³Pampa na nijpatiita motaicnelilis, huan nochipa nijtoquilía mocamanal cati melahuac.

⁴Amo quema ninejnentoc inihuaya masehualme cati tacajcayahuaj, yon amo nimohuicatoc inihuaya cati quipiyaj ome inixayac.

⁵Nijcualancaita inintasentilis amo cuajcualme. Amo quema nimosentilijtoc inihuaya cati fiero quichihuaj.

⁶Tapajpacti nomax ten nochi tajtacoli, huan san quej nopa nimonechcahuis motaixpa, TOTECO.

⁷Nepa nihuicas huicat para nimitzhueyitalis huan niteyolmelahuas nochi cati cuajcualtzi cati ta tijchijtoc.

⁸Tahuel niquicnelía mochaj campa tiitztoc, TOTECO, campa monextía motatanex.

⁹Amo techchihuili quej tiquinchihuilía tajtacolchihuani huan temictiani.

¹⁰Inijuanti quisencahuaj quenicatza huelis tetacuijcuilise. Quipiyaj inimax temitoc ica tomi cati ichtaca tainantoque.

¹¹Pero na ninemi xitahuac. Xijpiya hueyi moyolo ica na, huan techmaquixti.