SAM 26:2-11

²Anutu, gata kakapmake na tasiwi siyok. Gata natane musipma gatu natdetdetna ngang usanziyo.

³Minae? Gata asinggan musip gwaang natangamunggayak kakngae natanggamatake nata gatane wamu noman takngakan asinggan tawanggat.

⁴Na aminu wai aminkat dua sukukamang. Gatu kem wam yakaing aminkat kaya dua sukukamang.

⁵Na wai aminu unekan gatake yuaing ngang kakengu une kunangge apbitanggat. Sike wai aminkau naat dua gatake yuamang.

⁶Buyambam tapa, na gutongana wena ngang natake kataknga ga yeikgamunangge saiukgat. Saiuke nata gatane alta dakane kumbasike munu pukgat.

⁷Munu puke nata kap takngatu taike gae gaak ganiwit. Ganike nata aminu kuupbam puya gata noman taknga tasinggayakge yanikapit.

⁸Buyambam tapa, nata gatane yot gwendae take siknga nataat. You gatane wagwene umanda kopsa aknga undang yuak.

⁹Tapduu gata wai aminu gatukande pasiwi maining komune natane kayuk yuat takngana ma tasiwi sopuwan. Gata na ma nuwi kupam, notnaapa zipan kungwakaing aminkaun.

¹⁰Waaminu waiaknga asinggan tasikaing. Tasike moningu kundu aminu wam usanzikaingge asinggan yamukaing. Yamuke kaa wam yanindatdaiwan waiakngae yake meya takngatu dua yamuning.

¹¹Siwan ngana na noman takngakan tasinggat. Gata nae musip kwikwik natangamuke na gatuka tapso.