Salmos 149:2-5

²Israel-dulemar, dule-bega-burba-uksadgi be wergumala, Israel-dulemar Sión-yargi-bukmalad, be-e-Reygi be wergumala.

³Nue-weligwaledgi-dodonai, Bab-Dummad-e-nug ogannomala. Gar-pandero-ogornai ega be namakmala. Gar-arpa-ogornai ega be namakmala.

⁴Ar Bab-Jehová e-dulemargi yeer itodaed. Dule-wiledimaladi e-isdarmaladgi-nakwega imakdaed.

⁵Bab-Dummad-sordagan na be emargi-obichamaladgi, wergumala. Gachigi amba be maile, namakmai be imakmala.