Salmos 119:107-114

¹⁰⁷Bab-Jehová, an bela-bela bato nue dummad-wilediid. ¡Be-Gayaburba-sogedba be an-ogannoge!

¹⁰⁸Bab-Jehová, an bega ibmar-sogedi be abingasana gadin. Be-Igar-Mamaidgi be an-odurdake.

¹⁰⁹Bonigan-abargi an-sandi gudiid, degi-inigwele, Be-Igar-Maiddi an iedisulid.

¹¹⁰Dule-isganamar an-yardakbimalad, degi-inigwele, Be-Igar-Mamaidgi andi bangudisulid.

¹¹¹Be-Igar-Mamaidi, degisadegu angadga-guega an susad, ar an-gwage-weligwar imakdaed.

¹¹²Degisadegu, an-burgwedsega gwage-ulubgi Be-Igar-Mamaid-sogedba nanadioye an sogsad.

¹¹³Dule-wagar-darbo-damaladi, an isdar daked. Be-Igar-Islidikiddi, an nue-sabed.

¹¹⁴Bab-Dummad, bedi an-odukuega gued, bedi an-sigu-abgaedibayobi anga gued, Be-Ibmar-Sogsadi, an edarbediid.