Salmo 9:5-15

⁵Midhukuman nu ne midèdeetan nu is menge mezaat he menge nasyun, umbe kenè en sikandan egketenuzan taman te taman.

⁶Mibpurungan nu zèdeeti is menge kuntada ku, ne kenè ne maan sikandan egkaahà taman te taman. Mibpemengkag nu is menge inged dan, ne kenè ne sikandan egketenuzan.

⁷Iyan sikew, Nengazen, edhadì ka te wazà pidtemanan; andam ke en te kedhukum puun te pinuuwè nu te kedhadì.

⁸Edhukuman nu te hustu is menge etew kayi te kelibutan; mezait wey wazà egkevintahaan dutun te kedhukum nu.

⁹Nengazen, iyan ka egkeeputan te menge etew he edèdaaǥen dutun te timpu te kelised.

¹⁰Edsarig kenikew is menge etew he nekekilala kenikew. Su wazè pa mid-aput diyà te kenikew he wazè nu zewata.

¹¹Sikiyu is menge etew, kentahi niw te kedalig is Nengazen he edhadì diyà te Zion. Iseysey niw ziyà te menge nasyun is nengeveelan din!

¹²Ebelesan din is ebpemendaagdaag, su edseǥipaan din is kebpekitavang te menge dinaagdaag.

¹³Nengazen, dekelà is ked-antus ku tenged te kedèdaaǥa kedì te menge kuntada ku. Ikehizu a kenikew ne libriya a te kemetayen,

¹⁴su wey ku ikeseysey ziyà te menge etew ziyà te menge pultahan te inged he Zion is menge mibeelan nu, he iyan igkezeliǥa ku kenikew. Ne edlipey a zutun tenged te kedlibriya nu kediey.

¹⁵Nehitavù diyà te menge nasyun is mezaat he pelanu zan. Iring te iyan sikandan neulug diyà te vudsi he mibeelan dan, etawa iring te iyan sikandan nelitag te kandan he litag.