Salmo 62:5-12

⁵Diyè ku zà te Megbevayà egkaangken is kebpekehimeley ku su ibpeperateng e zin.

⁶Iyan dà sikandin endilungè ku wey menluluwas ku. Iyan sikandin eputè ku, umbe kenà a egkezeetan.

⁷Iyan is Megbevayà edlibri kedì wey ebeǥey kedì te zengeg. Iyan sikandin melig-en he endilungè ku he edlavan kedì.

⁸Sikiyu is menge etew te Megbevayà, sarig kew kandin te langun he timpu! Keǥiya niw ziyà te kandin is langun he igkeǥiyaǥiya niw su iyan sikandin kelasag tew.

⁹Is menge etew, dungganen man etawa kenà, ne kenà egkeseriǥan. Neked-iring dà he wazà pulus; emun edtimbangen sikandan ne edhuna pa sikandan he mahagkap te keramag.

¹⁰Kenè kew medsarig te kebpeneligkep te azen. Kenè niw peretenga is keupiyaanan pinaaǥi te kebpenakew. Minsan edekelè pa is ketiǥeyunan niw, ne kenè niw heini seriǥi.

¹¹Layun ku en egkezineg he egkaǥi is Megbevayà te kandin is gehem wey is gaǥew.

¹²Kenà duwazuwa he ebelesan te Nengazen is menge etew sumalà is mibeelan dan.