Salmo 45:12-17

¹²Is menge meǥinged diyà te Tyre, ragkes en is utew menge sepian, ebeǥayan ke zan te menge azen su wey nu mepurung sikandan meseǥipà.

¹³Utew ka mekempet keniyan te seled te turuǥan nu. Is bisti nu binurdahan te vulawan.

¹⁴Idsun-ud diyà te kenikew is mekempet he visti nu ne ed-uwiten ka ziyà te hadì. Ne is menge raǥa he edumahan diyà te kenikew edtinundug kenikew, su iyan sikandan avey nu.

¹⁵Ne utew zekelà is kelipey niw zutun te kedseled niw ziyà te turuǥan dutun te hadì.

¹⁶Mahal he Hadì, is menge kevuwazan nu he menge maama egkengehimu zaan he hadì he iring te menge kepuun dan. Ne edhimuwen nu sikandan he menge pengulu te tivuuk he tanà.

¹⁷Edhimuwen ku he kenè ka egkelipatan te langun he egkelapislapis he kevuwazan. Umbe taman te taman is kedeliǥa kenikew te menge nasyun.