Psalms 45:12-17

¹²Sor Tyre ko kariimet nungumik mel suen biya karogo mu gemang kulukurmonko munan duap duap karogo tai kisimonko.

¹³Imet kulak king aguwam mu ko guang mu nikim ago se gold awote biliwilik bagara se ko ariga yam yawarakala;

¹⁴se ko melmasak mu karogo diruwuman ilak king kote namaman; se itiwik kulak noko saonga mu karogo nunga diruwuman nongorak namaman;

¹⁵nuna amilmil te nongorak king ko kawam ningi kasu naguman.

¹⁶O king, nika kuriang kari bilangamon, ale ni, ka niet alo nongorak iwita, nina nigiwim tamon ale ninga ali sor bitarmonko.

¹⁷Ani nika nip biya wetang saparik se kariimet gue udagi taiwasan mu ikimon se sor suen la nika nip mu patawu se lagamonko.