Salmo 40:11-13

¹¹Nengazen, kenè nu eǥena is hizu nu kediey. Berakat he is gaǥew nu wey kebmetinumanen nu egkehimu he iyan layun pengalang ku.

¹²Henduen be te edliǥuy kedì is menge kelised he utew subra is kahabet. Henduen be te egketembunan ad te menge salè ku, ne kenà ad ebpeketuredu te hustu he ibayè ku. Henduen be te edhuna pa he mezakel is menge salè ku te vulvul ku, ne tenged kayi naawè en is kevurut ku.

¹³Nengazen, libriya a kenikew. Tevangi ad guntaan.