SALAMO 78:65-72

⁶⁵Bena Ḡaubada na mahuta amo e noga, goada tauna vine ranuna e inua dainai e lolomu na heto;

⁶⁶ia inaina e hakarohodia rohoroho, e hahemaraidia ela hanaihanai.

⁶⁷Ia ese Iosef ena kalaga e dadaraia, bona Efraim iduhuna se abia hidi;

⁶⁸a Iuda iduhuna e abia hidi, Siona ororona, ena lalokau.

⁶⁹Ena gabu helaḡana e hadaia, guba doriva-dorivana na heto, eiava tanobada na heto, vada e hadaia mia hanaihanai ḡauna.

⁷⁰Ia ese David e abia hidi, ena hesiai tauna, mamoe maḡudia amo e abia;

⁷¹mamoe hahinedia mai natudia ida ireḡudia amo e hakaua mai, ena orea taudia, Iakob besena, ireḡudia, ia dihina Israel ireḡudia totona.

⁷²Mai lalo-maoromaorona ida e reḡudia, bona mai ima namona ida e hakaudia.