Zebur 78:65-72

⁶⁵Andin Reb birsi uyqudin oyghandek oyghandi, Sharabtin jasaretlen'gen palwandek towlidi.

⁶⁶U reqiblirini urup chékindürüp, Ularni tügimes reswagha qaldurdi.   

⁶⁷Yüsüpning chédirini shallap, ret qildi; Efraim qebilisini tallimidi;

⁶⁸Belki Yehuda qebilisini, Yaxshi körgen Zion téghini tallidi.

⁶⁹Shu yerde muqeddes jayini tagh choqqiliridek, Yer-zéminni ebediy ornatqandek mezmut bina qildi;

⁷⁰U Öz quli Dawutni tallap, Uni qoy qotanliridin chaqiriwaldi;

⁷¹Qozilirini émitidighan saghliqlarni egiship béqishtin ayrip, Uni Öz xelqi Yaqupni, mirasi bolghan Israilni béqishqa chiqardi.

⁷²Dawut ularni qelbidiki durusluqi bilen baqti, Qolining epchilliki bilen ularni yéteklidi.