SALAMO 76:3-11

³Unuseni ai diba kiama-kiamadia e hakwaidudia, kesi bona dare bona tuari ḡaudia idau-idau danu. (Selah)

⁴Oi na herea dae; oi hairaimu ese mia-hanaihanai ororodia hairaidia e hereadiamu.

⁵Goada taudia edia dadihai kohudia na edia amo ma e dadihai, mahuta ese e abidia; tuari taudia iboudiai na imadia edia goada vada e ore.

⁶Iakob Diravana e, o gwau henidia negana ai hosi mai iguina tauna ida e habereredia.

⁷A oi na mai igari-henimu; emu badu baine ḡaraḡara negana ai, daika ese oi vairamu ai baine gini diba?

⁸Guba amo oi ese hahemaoro o gwauraia; tanobada na e gari, bena se marere-marere.

⁹Una negana ai Dirava e tore isi, hahemaoro ihaginina totona, tanobada ai hisi e animu taudia iboudiai ihamauridia halaoreana. (Selah)

¹⁰Momokani, taunimanima edia badu ese baine hanamomu, badu orena na oi ese ba haheriolaia.

¹¹Emu gwauhamata na Iehova, emui Dirava, ba henia, bona anidia danu ba kara. E ginia heḡeḡemu taudia iboudiai na herahia bae mailai, e gari heniamu Diravana ena.