SALMOS 76:3-11

³Nopano quipojpostejqui nochi tlamantli ininteposhua tocualancaitacahua.

⁴¡Nopa tepetini tlen eltoque tlen huejcajquiya ax quipiyaj ininyejyejca queja tepetl Sion quipiya!

⁵Nopa tocualancaitacahua tlen más quipiyayayaj chicahualistli, quintlamitlacuijcuilijque. Toixpa tepejtoque mictoque. Niyon se tlen inijuanti ayoc hueli quitlalanas ima para techtehuis.

⁶Quema ta tiToteco, tlen tiiDios Jacob, tiquinajhuac nopa cahuajme huan tlen tlejcotoyaj ininpani, nochi huetzque hasta tlalchi.

⁷¡Yeca nochi quiitaj para tlahuel titemajmati! Huan axaca huelis quiijiyohuis ijcatos moixpa quema tlahuel ticualantoc.

⁸Hasta nepa elhuicac titlayolmelahua para titetlatzacuiltis. Huan ni tlaltepactli majmahui huan ax molinía moixpa,

⁹quema timotlalanqui, Toteco Dios, para tiquintlatzacuiltis tlen quichihuaj tlen ax cuali, huan para tiquinmanahuis nochi tlen moicnochihuaj ipan ni tlaltepactli.

¹⁰Ta tijtequihuía inincualancayo tlacame para sequinoc ma mitzhueyimatica. Huan tijtequihuis para más monextis moyejyejca.

¹¹Xijchihuaca nochi tlen inquitlajtolcahuilijtoque TOTECO para inquichihuase. Sesen ma quihualica nopa tlamantli tlen quitencahuilijtoc para quimacas Toteco Dios. Monequi ma tijhueyitlepanitaca huan ma tiquimacasica,