SALAMO 18:7-49

⁷Una negana ai tanobada e laga, e heude-heude, ororo badidia danu e heude-heude, e marere-marere, badina be ia vada e badu.

⁸Kwalahu na ia uduna matudia amo e dae, Iahi siahuna na ia uduna amo e lasi, lahi hururu-hururudia na iena amo ema.

⁹Guba e beua tari, bena e diho; dibura badana na ia aena henudiai.

¹⁰Kerubi ai e gui, e roho lao; lai hanina amo e roho haraḡa-haraḡa.

¹¹Dibura na e hekoulaia, dagadaga dubana e hetarulaia.

¹²Hururu-hururu na ia vairanai, unu amo medu-hetari bona lahi-hururuhururu na ena dagadaga amo e diho.

¹³Iehova ese guba-rahua ai e hereva, Herea Mikamika na e gwau isi, bena medu-hetari bona lahi-hururuhururu na e diho.

¹⁴Ena diba e kino, e hakarohodia; ena kevaru e hakevarua isi, e hadareredia.

¹⁵Bena davara dobudobudia e heita, bona tanobada badidia e hedinarai, oi Iehova ese o gwau henidia negana ai, oi udumu matudia amo o hahodi lasi negana ai.

¹⁶Atai amo e dau dobi, e abigu, ranu momo amo e verigu lasi.

¹⁷Lau inaigu goadana ena amo e hamaurigu, e inai henigu taudia imadia amo e hamaurigu, badina be idia ese bema hadareregu diba.

¹⁸Egu hisihisi dinana ai e davarigu, a Iehova na egu imuda.

¹⁹Ia ese taora bada gabuna ai e hakaugu lasi; ia ese e hamaurigu, e moalelaigu dainai.

²⁰Iehova ese davagu vada e henigu, egu kara maoromaoro heḡereḡerena, vada e hanamogu, imagu edia ḡoevaḡoeva heḡereḡeredia.

²¹Badina be Iehova ena dala vada na badinadia; lalo-hadai dikadia daidiai egu Dirava asina rakatania.

²²Badina be ena haheḡani iboudiai na lau vairagu ai; ena taravatu asina negedia daure.

²³Ia vairanai lau na asi egu kerere; kara dika amo na raka oho.

²⁴Taunabunai, Iehova ese vada e hanamogu, ena kara maoromaoro heḡereḡerena ai; imagu na ia vairanai vada e ḡoevaḡoeva heḡereḡerena vada e hanamogu.

²⁵Hebogahisi tauna oi ese o bogaia hisimu; kara maoromaoro tauna oi ese o kara maoromaoro heniamu.

²⁶Lalo-ḡoevaḡoeva tauna enai oi lalomu danu baine ḡoevaḡoeva; a kara gageva-gageva tauna enai oiemu kara danu bae gageva-gageva.

²⁷Badina be lalo-manau taudia na oi ese o hamauridiamu; a hekokoroku taudia na oi ese matadia o ha-igodia dihomu.

²⁸Momokani, oi ese egu lamepa o haraiamu; Iehova, egu Dirava, ese egu dibura e hadiariamu.

²⁹Momokani, oi bagumu ai orea badana baina hadarerea diba; egu Dirava bagunai maḡu ta baina rohoa hanai diba.

³⁰Ina Dirava ena dala na herea dae; Iehova ena gwauhamata vada e momokani; ia na e abidadama heniamu taudia edia kesi.

³¹Dirava be daika? Iehova mo. Nadi-gini be daika? Iseda Dirava mo.

³²Ia na goada e hariolaigu Diravana; ia na egu dala e halailaia Diravana.

³³Ia ese lau aegu na dia aedia heḡereḡeredia ai e halaodia; ia ese atai gabudia ai e haginigu kau.

³⁴Ia ese lau imagu e hadibadiamu, tuari karadia ai, bena ima u na mai goadadia auri-laboralabora pevana baina marea.

³⁵Emu hahemauri kesina vada o henigu; oi imamu idibana ese vada e dogogu tao, emu kara manada-manada ese vada e imodaigu.

³⁶Taora bada gabuna vada o lailaia, lau aegu bae moia tao; aegu na asie dedi.

³⁷Lau inaigu na havadia, na lasidia tao; lau asina gini kerehai ela bona idia na e bua tari.

³⁸Na gwadadia uru, asie tore diba; e keto, aegu henudiai.

³⁹Oi ese goada o hariolaigu, baina tuari totona; lau inaigu o tahodia dobi henugu ai.

⁴⁰Lau inaigu o hakerehaidia lau vairagu ai; e ina heniguva taudia na na habuadia tari.

⁴¹Hekaha e noilaia, a ta ese se hamauridia; Iehova e tai henia, a ia ese se haere henidia.

⁴²Lau na botadia patapata, ḡahu lai vairanai na heto; lau na negedia lasi murimuri ai, ariara mirona na heto.

⁴³Taunimanima edia tuari amo o hamaurigu; bese idau-idau ikwaradia ai o halaogu; asi dibagu taudia ese isiaigu e lao heniva.

⁴⁴Lau harigu e kamonai, bena e kamonai henigu; idau bese taudia na lau vairagu ai e igo diho.

⁴⁵Idau bese taudia na kudoudia e hetaha; edia komu gabudia amo e raka lasi mai heude-heudedia ida.

⁴⁶Iehova na e maurimu; egu nadi-gini na hanamoamu; egu hahemauri Diravana bae imodaia.

⁴⁷Dirava ese lau inaigu davadia e henidiamu; ia ese taunimanima na lau henugu ai e atodiamu;

⁴⁸ia ese lau inaigu edia amo e hamaurigu. Momokani, oi ese o imodaigu, lau inaigu daediai; daḡedaḡe taudia edia amo o hamaurigu.

⁴⁹Ina dainai, Iehova e, lau baina imodaimu bese idau-idau bogaragidiai; oi ladamu baina hanamoa egu ane ai.