SALAMO 17:12-15

¹²Idia na leona damuna idarena e ura lalodikamu na heto, leona natuna na komu gabuna ai e banimu na heto.

¹³Iehova e, a tore isi! Ba tuari henidia, ba tahodia dobi! Emu dare bavabia, dika taudia edia amo ba hamaurigu;

¹⁴Iehova e, oi imamu amo ba hamaurigu, taunimanima edia amo, tanobada ai mo edia mauri ahuna e abiamu taudia edia amo. Adia vada o abi heḡaeḡae ḡaudia amo bogadia ba hakunu; natudia bogadia bae kunu bona bahu baine mia; edia bahu baine mia, natudia karukarudia adia.

¹⁵A lau be kara maoromaoro ai oi vairamu baina itaia; baina noga negana ai oi oromamu itana ai lalogu do baine namo.