Pisalem 17:12-15

¹²Digaula e hai gadoo be nia laion, e talitali au belee hahaahi hagaligiligi.

¹³Meenei Dimaadua, hanimoi! Hai baahi gi ogu hagadaumee, gei gi hagamagedaa ina digaula! Daawa ina au gi daha mo digau huaidu gi dau hulumanu dauwa.

¹⁴Haga dagaloaha ina au gi daha mo digau ala gu hai mee gi nia mee huogodoo ala e hiihai ginai ginaadou i henuailala. Daaligidia digaula gi taaligi dela gu haga togomaalia Kooe gi digaula. Heia nia dadaaligi gi dohu anga gi nadau dama, mo e wanga labelaa gi nia dama o nia dama digaula.

¹⁵Gei au ga mmada adu gi di Goe, idimaa au digi hai dagu mee hala. Dogu madagoaa ma ga ala aga, gei au ga tenetene, idimaa Goe dela i dogu baahi.