Sɑ̃ɑrun Woodɑ 10:2-9

²Yerɑ u derɑ dɔ̃ɔ u yɑrɑ u bu di mɑ bɑ gu mi.

³Mɑ Mɔwisi u Aroni sɔ̃ɔwɑ u nɛɛ, Yinni Gusunɔ u ǹ dɑɑ bɛɛ sɔ̃ɔwɑ u nɛɛ, u kĩwɑ be bɑ nùn susimɔ bu win dɛɛrɑru nɑsiɑ, kpɑ bu nùn bɛɛrɛ wɛ̃ tɔmbu kpuron wuswɑɑɔ? Mɑ Aroni u win nɔɔ mɑri.

⁴Mɑ Mɔwisi u Misɑɛli kɑ Elisɑfɑni Usiɛlin bibu sokɑ. Usiɛli wi, u sɑ̃ɑwɑ Aronin tundon wɔnɔn bii. Mɔwisi u bu sɔ̃ɔwɑ u nɛɛ, i nɑ i bɛɛn wɔnɔbun gonu suɑ kuu ten min di i kɑ nu dɑ sɑnsɑnin biruɔ.

⁵Mɑ bɑ nɑ bɑ goo ni suɑ kɑ nin tɑkobɑ sɑnnu bɑ kɑ dɑ sɑnsɑnin biruɔ nge mɛ Mɔwisi u geruɑ.

⁶Mɑ Mɔwisi u Aroni kɑ win bibu yiru be bɑ tie Eleɑsɑɑ kɑ Itɑmɑɑ sɔ̃ɔwɑ u nɛɛ, i ku bɛɛn winu deri diinu, i ku mɑɑ bɛɛn yɑ̃nu gɛ̃ɛku nuku sɑnkirɑnun sɔ̃ kpɑ Gusunɔ u ku rɑɑ bɛɛ go kpɑ u kɑ Isirelibɑ mɔru ko. Adɑmɑ i de bɛɛn mɛro bisibu Isirelibɑ bu swĩ be dɔ̃ɔ u din sɔ̃.

⁷Bɛɛn tii i ku doonɑ kuu ten kɔnnɔn di kpɑ i ku rɑ kɑ gbin sɔ̃. Domi gum mɛ bɑ bɛɛ tɑ̃re mi, mu bɛɛ kuɑwɑ mi Yinni Gusunɔn yɑ̃ku kowobu. Mɑ Aroni kɑ win bii be, bɑ kuɑ ye Mɔwisi u geruɑ.

⁸Yinni Gusunɔ u Aroni sɔ̃ɔwɑ u nɛɛ,

⁹ɑ ǹ kɑɑ tɑm bɔɔbɔm gɑm nɔ wunɛ kɑ wunɛn bibu ì n dɔɔ nɛn kuu bekurugirɔ, kpɑ i ku rɑ kɑ gbin sɔ̃. Kpɑ i kɑ kpĩ i wunɑnɑ ye yɑ sɑ̃ɑ sɑ̃ɑrugiɑ kɑ ye yɑ ǹ sɑ̃ɑ sɑ̃ɑrugiɑ. Mɛyɑ i ko i mɑɑ kpĩ i wunɑnɑ ye yɑ dɛɛre kɑ ye yɑ ǹ dɛɛre. Mɛyɑ i ko i mɑɑ kpĩ i Isirelibɑ Gusunɔn woodɑbɑ kpuro sɔ̃ɔsi ye u Mɔwisi wɛ̃. Yeni yɑ ko n sɑ̃ɑwɑ woodɑ sere kɑ bɛɛn bibun bweserɔ.