Levi 10:2-9

²Lakea i malaviriri kunana e BAKOVI DAGI i rudua a kanono i puru valai i gutu parina rua ru mate na matana.

³Muri e Moses i takia e Aron, “E BAKOVI DAGI i ta maea: ‘E huriki ri leho nau, ri gi lohoka kamumu vona iau a kiripiripi. Na matane huriki lobo, bara vakasiri ria vona a nitora dagi, a bagetua nau.’” E Aron i longoa a nita iea, i uka ngavana.

⁴Muri e Moses i gale e Misael, e Elsapan, e tune Usiel, e tamane Aron kiroko, ru valai vona. Lakea i taki rua i ta maea, “Muru valai, muru kaloho tala a podane turane marua na mailo na Vure, muru bole tala na mada.”

⁵Ru vano ru kaloho tala na mada a podane rua, i manga a ngava e Moses i vakuku. Pali uka ma ru kali tala a nirodo na bakovi nga ru mate.

⁶Ngane e Moses i habi a ngava tabu ne Aron turana e tuna ala rua, e Eleasar, e Itamar. I taki tou i ta maea, “Nahea ge patoka a vune matou, naha ni rape a varakia matou, ma ga moto rata mavonga bara moto mate, a rongova ne BAKOVI DAGI bara i bele ne huriki. Pali e huriki a viri ne mua a Israel, ria ri gi kalo vona ra bakovi nga e BAKOVI DAGI i rabalaki rua na kanono.

⁷Naha ni pe taroa a Kape na Vaponga, ma moto go mate. A gamai matou pali, matou a vora ne BAKOVI DAGI kunana.” I mavonga, to longoa a nitane Moses, to ramaia.

⁸E BAKOVI DAGI i takia e Aron i ta maea,

⁹“Na tahuna ioe turana e tumu ala rua moto dili na Kape na Vaponga, naha ni ninu a vain a naru vagole, ma moto go mate. Ra vinara iea, ge ramai vakaroroa e huriki a hamone matou.