Romans 16:20-26

²⁰Akngey mwerr arrekantherr aneyel. Ra Satan renh antengiletyek. Ingkart Jesus ra arrekantherr mwerr anayntem.

²¹Timothy, warrkenh arrpemarl, ra arrekantherr inkwerelheyel arrpemarl. Artwa Lucius, Jason, Sosipater rernem arrekantherr inkwerelheyel arrpemarl, ayeng inkwerelheyel-apeny. Rernem Jew ingkerrenh aneyel.

²²Tertius, atha pip nhenh ingkwernek angka Paul-kenh. Ayeng-anem arrekantherr inkwerelheyel arrpemarl. Atha Ingkart tnakem arrpemarl.

²³Gaius arrekantherr inkwerelheyel arrpemarl. Ayeng warl ikwerenh-warl alhek, ingwer-rnem-then. Anantherr anyentirrek pipek warl ikwerenh-warl. Artwa Erastus ra man arntarnt-areyel, ra arrekantherr inkwerelheyel arrpemarl, Quartus atyenh arrpemarl, Ingkart-kenh-angkwarr apenteyel arrpemarl.

²⁵Akngey tnakay, ra arrenhantherr rlterrkilem angka ikwerenhel. Atha arrenhantherr angka mwerr-angker akalty-anthek, Jesus Christ-akert. Angka mwerr-angker Akngeyel irrtyertewenh arrwekel-antey.

²⁶Aley-anyem ingkerrenhel angka mwerr-angker renh ileyel-anem, Akngey-kenh angkakert-rnemel awank-akerr ingkwernenh-angkwarr-antey. Kel anaynt-anem, ingkerrenhel iterl-aretyek. Akngey aknganek iteth aleth aneyel. Akngeyel arrernek ingkerrenhek, angka renh thwenek apmer arrpanenh-warl, rernem renh tnaketyek, ikwer awelhetyek.