Romanos 3:9-13

⁹¿Pe tyeesy no dyon? ¿Pe mastre nayak buen no que meñ sit? ¡Lëdyo gon! Por ndon no nii nikxe meñ Israel no, nikxe gaa meñ sit no, ña tol no no.

¹⁰Leñ kitsy nii kë xtiits Dios xñee: Kindy meñ buen, ni tu meñ buen nody.

¹¹Kindy meñ nii xyeñ, kindy cho kyub Dios.

¹²Kchësy meñ këtañ, kchësy meñ byab lo tol. Kindy cho kuñ kyalbuen, ni tu cho kindy.

¹³Nak yañ meñ sinak tu paa nii nyaly, con ludzy meñ xñee xuuy meñ, xvenen mëël xchoo chuw meñ.