Nkwɔ Rom 3:9-13

⁹Chɔŋ sɛ́ndɛm yɛ bɛ yi? Bɛ́ nté ayɛsɛ bo Israɛl acha anɛ bo bachak kɛ? Wáwák! Nnáŋ ntɔŋ bɛ bɛbʉ́ bɛbhɔŋ bɛtaŋ amfay bo mankɛm, yɛ̌ chi bo Israɛl nɛ yɛ̌ chi abhɛn bapu bo Israɛl.

¹⁰Ɛchi mbɔ ɛnyǔ Ɛkáti Mandɛm ɛ́rɛ̀m bɛ, “Yɛ̌ mmu apu chak bɛsí Mandɛm, yɛ amɔt apu,

¹¹yɛ̌ mmu apu yaŋ bɛrɨŋɨ Mandɛm, yɛ̌ mmu apu yaŋ mbi Mandɛm.

¹²Mankɛm bátɨknsɛm ntá Mandɛm, bɔ mankɛm barɔp bǒ bɛkwɛnɛ, yɛ̌ amɔt apú kʉ bɛrɨ, wáwák! Yɛ̌ amɔt apu.”

¹³“Ɛyɔŋɔ́nyu yap ɛ́nɛ̀m mbɔ ɛriɛp ɛnɛ ɛ́fú ndǔ nnɛm ɛnɛ́n ɛnɛ́n mánɛ́nɛ́, bárɔ́ fúú. Básɔ̀t bárɨ́ yap bɛrwɔ bho.” “Bɛyɔŋɔ́nyu bhap bɛ́wày mmu way mbɔ ɛfé mpok ɛ́nɛ́m mmu.”